سند مينا راسه على الهلال ..
و صلب احمد عوده و قال..
انا و انت حكاية واحدة ..
و ترنيمة للرب في سجدة..
و ميت موال ..
و مصر عبادة بين الضلوع ..
تقدس الرسل محمد و يسوع ..
و اللي يفرق بين رسل الله ..
تحرم عليه كلمة خشوع ..
و بين الجموع ..
بانت البتول
تحن على الولد المقتول..
و نبي الرحمة ..
من وسط الزحمة ..
يلعن اللي يهد الصوامع..
و لو طالع من قلب جامع ..
و ينادي على المسلم و يقول ..
المعتدي دينه واقع
دينه واقع
No comments:
Post a Comment