رجع البيت قلع قلبه و عينيه..
و نادي بصوت ماكنش ليه..
على كل حاجة اشتاق لها..
نادي على الكتاب القديم ..
و على اغاني عبد الحليم ..
و على الامل في صوت نديم ..
يسمع منه او منها..
ماعادش غير بسمة و حزنها ..
و دمعة خايفة من جبنها..
و شوية كتابة و فنها ..
منها او حتى عنها..
مصر جنية الحواديت ..
احتلها عسكري و حويط ..
و معاه شيخ اصفر و غويط ..
و سرقوا منها الصوت و الصويت ..
تموت في الجهل وف همها،.
.. قتلت عيالها كلها..
و رمت عينها و صوتها و قلبها ..
و اصل الحكاية انها ،،
ما بتقراش و لا عارفة عدوها..
قولولي ايه يتقالها؟؟؟
No comments:
Post a Comment