فيه ايه في ريحة الفتة والخل و التوم؟؟
بيرجع للواحد الحتة ..
اللي منها الروح بتقوم؟؟
اول منظر
و اول شمة
...و اول نغمة..
كله بيعدي مع الثواني ،
إلا الاحساس الاولاني ..
في قلب القلب مختوم...
عجبي
العيد بيعيد البعيد..
و يباعد في بعد الحبيب ...
و العيد فرحة و رمحة..
و لعبة و سرحة..
في شمس شارع بورسعيد..
...و العيد طلة و بسمة..
و ظلة و رسمة..
لغمازة في وش سعيد..
و العيد ضفيرة بنوتة..
و بندقية مظبوطة..
نشانكنها ..
في قلب التجاعيد..
و العيد لمة و ضمة..
و كلمة و نسمة..
تنور ضلمة...
قلب وحيد..
عجبي ..
No comments:
Post a Comment