انا لا مواخذه ..
مش تربية اخوان ..
مش حاقول ايه اللي هنا جابك؟؟
و لا اتهمك بلبس الكستبان !!
ولا اقولك تعاليلي وانا اقولك ..
و لا شغل النجاسه اللي ف كل مكان ..
انا شاب جدع قوي و مان ..
ما باستجدعشي علي ..
اي ضعيف ٍ كان ..
و اهلي ربوني علي الاخلاق ..
مش اللوع و شغل الزوغان ..
و اللطاخه و طاعة العميان ..
و بيع الضمير لبتوع الجاز ..
او لسبوبة الامريكان ..
امشي معايا نحرر الانسان ..
من اسره في كل ديه الاوطان ..
و سم العقرب و سم التعبان ..
الل اسمه التجار ..
تجار الاديان !!
No comments:
Post a Comment