شهر النجاة

مشى قوام ..شهر الصيام.. و فات وراه
خير و طيبة .. و ايات عحيبة.. وطوق النجاة
مسكنا في توبه.. و قلنا يادوبه.. دا جي لساه
و رايح لحاله.. واشتقناله..و احنا معاه
عجبي

Edit PostDelete post

امي

يا قلقي يانا يابا.. على امي و منها \
اسأل امتى تيجي.. و اسأل يا تري فينها\
تغيب تغيب و تيجي و لا على بالها
يا رب يخليها.. و يحللها سنينها
عجبي

..

فلو

طيور و دبحنا ..و خنازير ما عندناش\
ايه اللي بيحصل ؟؟يا ناس ما تخوضوناش\
داحنا غلابة غلابة يا مصراوية\
ما قدرناش على الترسو ..عشان نقدر علقشاش\\
عجبي

الرايجة

عندنا لعيب كورة..يقع بأحلي صورة ..برة التمنتاشر\
و تسمع التكبيرة..على البلنتي العيرة.. تقي و عمله كافر\
يا اخلاقكم دي عيرة.. يا قلوبكم دي فقيرة ..كأنكم بحوافر\
تقبلوا بالغش..و التفة في وسط الوش ..و باللي ما يتعاشر
جاتكم ستين نيلة..

الصبر تاني

الصبر موال طرب يعزف في ضلمة ليلي\
و حب و درب صعب الحن بيه مواويلي\
و اغزل كلامي و انسج منه جلابية نيلي\
اغنيلها في عز الكرب.. وهي تغنيلي...
عجبي

اوزي و ميشو

اوزي و ميشو دول كلابنا.. و اوزي حامل و تقيلة...\
ميشو بيحامي عليها و عيونه ليها ضليلة....\
يديها اكله.. بيحبها شكله.. و هي فعلا جميلة\
معقولة الكلاب ..يا اهل يحباب.. اكثر منا اصيلة؟؟؟؟...

صبر!!

صبر عبر ..و دمعه مطر ..و دمه يسيل....
وصبر لما حبيبه انقبر ..و صبر عالويل.....

صبر و ‘مر ..من كل مُر ..و الليل طويل...
واخر الخبر؟؟ الصبر مر.. و عوضه جميل
عجبي

Delete post

رباعياتي

16 مجنونة
البحر بيسألني.. اسمك يا انسية ايه
قلت له يا بحر انسى.. مالك انت بيه
قاللي قلتي ما قلتي .. اسمك انا عارفه
اسمك "المجنونة"..
امال بتردي عليا ليه؟؟

15==============================
الشمس
الشمس قامت و شقت وش البحر
ايدها انجرحت من الوحوش و الصخر
لا سحبت ايدها الشمس و لا اشتكت
اصل اللي بده ا لدر
لازم له برضه الصبر
عجبي

14==============================
لم جه
استنيت واستنيت رد من قلب الامل
لم جه الرد و جرح القلب جوايا اكتمل
ايه اللي اخره و اعمل ايه في المقدر
رديت عليه يا قلبي مش في ايدنا العمل !!!
عجبي
13===============================
ابكي
ابكي املي بحر.. الدنيا ما تهتم
دي تعمل معاك الواجب و تزيدك من الهم هم
قوم و اتوكل و اجري ..و جمد قلبك المهري
ربنا بكرمه يعينك ..و الدنيا راح تتلم
12==================================
كرشة نفس
ليلة غبرة انكتمت فيها و الكون انغلق
وجردل بوية سوداء و فوق قلبي اندلق
انكرش نفسي و قلقت على نفسي موت
فالهم و الغم راحوا من كتر القلق

11====================================
الترابة
قعدت جنب حيطة .. ابكي على الغلابة
فات على هاجس و قاللي مالك يابا
..قلت والله حرام غياب عدل الحياة
قاللي ليه يعني ..مش كلنا للترابة؟؟؟؟
10=========================================
ضميرك
ضميرك غفيرك صديقك كبيرك
تطنش كلامه و سرك في بيرك
ماحدش حيعرف ماحدش حيدرى
لكن من نفسك مين يقدر يجيرك
عجبي

9======================================
الضمير
مد الضمير ايده في قلبي .. دور شوية و طلع سواد
قاللي كان ابيض لون الحنان ..دلوقتي ماله اتحول جماد
قلت له الزمن عدى عليه ..شال من قلبي كل الحنية
قاللي الزمن برئ من عمايلك و انت لوحدك اخترت البعاد
عجبي

8=========================================
وحشني
وحشني الوحش ..اوحش الوحوش
مطلع عنيا ..و كلامه فاشوش
مفرح و متعب.. و يجرح يطبطب
حبيبي و عني.. مين يقدر يحوش
عجبي

============================================7

من آخر صف ..في المدرج لمحته
دق قلبي دقة و اعلن استباحته
وقعت انا ..او الدنيا داخت ووقعت
و لساني اهه ..لساني بتاعته

6============================================
الشهوة
الشهوة لها ناسها و الدلال ده له ناسه
و الجسد يريد لآخر نقطة يشرب كاسه
يعربد .. يعضعض .. يتعور يترضض
و ازاي بس تريح اى حد من احساسه ؟؟؟
عجبي

5=======================================
يا اوباما
يا اوباما يا هندسة
لايقالك المريسة
رجعت بوش لورا
رجعته المدرسة

4=========================================
الشكوى
رفعت ايدي اشكي للسما ذلي
عدت سحابة.. يمكن تحن و تقولي
هلت الشمس من وراها فكرتني
المر بيجي آه
بس بعديه بتحلي !!!

3=========================================
المصري مات
بيقولوا المصري مات
ايه يعني لما مات
الموت علينا حق
متموتوا من سكات

==2=======================================
النظرة
النظرة شكر و فكر و توبة
و النظرة حب و ضرب و عيبة
و النظرة لوم و نوم و طيبة
و في الاول و الاخر مكتوبة

=========================================
1
في نظرة تهدي ..تسيب اموات \
و نظرة تعدي.. تسبب اهات \
و نظرة ..تفكرنا باللي فات \
لكن نظرتك .. دي كل الحاجات
عجبي

=========================================