الاولة 1

الاولة: يا بخت من ليل عليه الليل وهو في حضن احبابه...
و الثانية:يا بخت ميل و حيي الجميل اللي ييحن لاصحابه...
و التالتة: يا تخت المواويل قول للقلبه عليل : عقاب الندل اجتنابه..
عجبي

و بعدين

< و بعدين بقى في الدايرة دي ..
و في المراكب اللي مش سايرة دي ..
و الهموم الكتيرة الحايرة دي؟
و الكل كليلة ان جيت للحق؟؟؟


و بعدين في الساعات المعدية ..
و الارواح المصدية ..
و العقول السوداوية ..
في البلاد الردية ؟
و العليلة و الكل مصدق؟؟؟


وبعدين في الكلام المكرر ..
و الملام الممرر ..
و اللسان المتشمر ..
عشان يسب و يتقمر ؟
و كل اللي راح و اللي انحرق؟؟؟


و بعدين في بكرة وامبارح..
و العلقم اللي طارح ..
و البكا في كل المطارح ..
يا بلاد الغاية هي الوسيلة؟؟؟
يا بلاد ما بتجمع ..بتفرق!!!

عجبي

النتيجة

خلعت قلبي من جوفي و صدري..

و طلعت منه خوفي و صبري..

و جمعت من جوفي حلاوتك و مري..

و علقته على برج بعيد و عالي

...

و بمشرط صغير ..

و بدقة تحير ..

قدرت اتغير ..و

شلت منه كل الصور..

و ريحة السجاير و الشاي والسهر ..

و سبته يهج سعيد و خالي

...

و بعد شوية قرون..

وا نا عايشة اساسا بدون..

اي لازمة او اي لزوم..

قابلني صدفة قلبي المأزوم..

و نادالي و نزل و جالي

..

هو آه صدى من الهوا..

و من جواه فضى كل الهوي..

لكن عرف يجيب من الهوا..

كل حكايتنا سوا..

و لقيتك جواه بتلالي....

عجبي.. ..

22-12

ن اوراق ستي المتضايقة بقى:
لا اسمعك تحكي يا عيل.. و لا كتير محتاج تلك..
ايه رجعك يا منيل.. تشات على الفيسبوك؟؟؟
الحية شوية تكرمهما و تلدغك ..و ده طبعها..
و انت نفسك شوية تحترمها .. و ترجع تعك ..
...عجبي

من اوراق سيدي المتضايق:
ياخونا وانت جنبي حأشوف انا مين؟؟
كرهتونا في صنف البني ادمين...
ياما نفسي ابني جدار من نار...
و اهده عليكم يا معفنين...
... عجبي


What is all this silence??
Its what remains when all has been said, all the players are long dead, there is no one there, all the skins are shed, it should be ok but its sooo cold instead.
It looks like a serpents mold , but im sure it is my bed.
An illusion is bold and it can look like gold and if truth be told it can bite off y...our head,it bit off my head.Oh how much it bleeds and Oh how much it bled!!!


اذكر احاديث الصباح و المساء ..
تعبر محاريث في تربة السماء ..
تغيث احدنا بالسعادة أو الشقاء ..
غوث و غيث ..
كانت او ما كانت ما نشاء ..
...عجبي

الكحة

لما الواحد بيمرض ..
و المرض في عينيه بيقرض .,.
و يقعد يخمن و يفرض ..

في اللي جاله و الاحتمالات..
و لما الكحة تشيل و تحط ..
و تحاول تبطها مابتنبط ..
و الحر ينط في صدرك نط ..
و تمر الساعات..


تفتكر لما كنت امبارح سليم ..
من شوية مش في التاريخ القديم ..
و تحمد ربنا الحي الكريم ..
ان المرض بس
من العمر ساعات..


تسمع منير و تشرب ليمون ..
و تنام كتير... و تهرب من الكون ..
و لما المصير و العيال ينادون ..
تطنش
و تنام تحت اللحافات..
عجبي

الامل المريع

ايها الصامت كما الحجر ..الثابت كما الضجر ..الباهت بلا صور ..يا تمثال الصقيع..
ايها الصامد و انت كسير ..و جامد و انت حرير ..و نابض بلا شعور ..يا ايها السم النقيع ..
ايها الشامل بلا حدود ..و مجامل لاقصى حدود ..و خامل كما البرود ..يا ايها الحلم الصريع..
ايها النصيب العصيب ..و الصعيب الغريب ..و المريب العجيب .. يا ايها الامل المريع ..
عجبا...

كلنا محتاج

لو كان الموت بالمزاج ..ما كانش يعيش محتاج..الدنيا مليانة آهات .. و ماعندنا ليها علاج...
الولد بيوجع والده ....و اللي بيديك شئ بياخده..و الله كريم لوحده..و هو لوحده السراج..
الآه مغرقة الدنيا..و انا عايزة دنيا تانية.. الآه فيها فانية.. و الوقت ماهوش كرباج...
يا رب يا جابر الخواطر..ساوي لخلقك دفاتر.. و استر علينا يا ساتر.. ده كلنا م...حتاج ...
عجبي

نوة

بيقولوا بكرة نوة ..يبقى احنا نكن جوه ..و لو خارج اتروى ..و غير خططك اوام...
في مصر المطر خطر ..و في الشارع تتعتر ..و تغرق في الحفر .. و تعوم جنب الترام..
شوية مية خفاف ..يخلوا البلد تخاف ..و الناس تحت اللحاف ..مرضوا و عم الزكام..
الزم بيتك بالذوق ..و الشغل وغيره ملحوق ..و بكره الجو يروق .. و كله بيقى تمام ..
عجبي

قال محمد عبد السلام: قوم اذا صفعت بالنعال وجوههم شكت النعال بأى ذنب تصفع .
فقلت انا :
قوم اذا بلعتهم البلاليع
شكت البلاليع بأي ذنب تبلع؟؟؟
قوم اذا احتوتهم النفايات
شكت بأي ذنب معهم تجمع؟؟؟
قوم هم البشاعة بعينها
بل و الله هم من البشاعة ابشع!!!!!

الخميس

الخميس رجع يتعكز ..
بوجع صافي مركز..
كأنه عمال يتجهز..
بقية الاسبوع...

اصله يوم الاجازة ..
و المفروض عندي له عازة ..
امال انا باترازى ..
ليه بقى بالموضوع؟؟؟

راح منا ما نستني..
و طار منا ما نتمنى ..
وبرضانا او غصب عنا ..
الواحد تنه موجوع ..

و علمتني دروس الدنيا
حكمة العيشة الفانية:
تديك مناك لثانية ..
و على قفاك اسبوع ...
عجبي

شحات

شحات و داير في البلاد شحات..
و اكتشفت ان السن و الدروشة اخوات..
و الهم مع العمر بيبقى بالات بالات..
حد يشيل معايا .. انتوا ما عندكوش اخوات؟؟؟

نجمة بحر

صباح نجمة بحر حمراء ..جمرة بتبرق على شط حلم مالوش مكان...
و سمكة فضية .. جنبها بتلعب قلبها بيضرب دقته الحان....
و حصان اسود.. بغرة بتشهد ان اللون الابيض مهما صغر بيبان..
و مراكب تحارب.. رغم موج التجارب و ترسى القوارب على شط الامان...
عجبي

برك

ليه اقرب ما ليك بيطعنك
و بحبه ليك بيلعنك
و صبحه ليله يقطمك
و هو بقلبه و روحه معك؟؟
ليه الكلام يبقى سيوف
و كله ملام معجون بخوف
و ليه في عين حبك تشوف
كل ده العك؟؟؟؟
ليه يا ورد كلك شوك
و ليه يا فرح مغزول بشوك
و ليه نمشي عليك يا شوك
و ليه نتشك؟؟
حد عنده اجابة يا ناس
من بره او جوه الكلاس
من كتاب او من كراس
لحسن قلبي خلاص..
برك...
عجبي

alex drowning

احت السكرة و جت الفكرة و نزلت عبرة غرقت مدن..
ليه الشتا نازل عطا و هو الشتا بكا الزمن؟؟؟
معقولة الزمن كان له شجن و حب و اتركن و قلبه حزن؟؟؟
طب الانسان و مالوش امان خاين \زهقان ..لكن كمان الحب الجبان قادر يبكي حتى الزمن؟؟؟
عجبي


رد..لا مش برد..ده وقت الحصر والجرد..اللي مش عاجبه الحر..يجي دلوقتي يرد..ماله الحر و الصهد..حلو الجو اللي يخض؟؟ غاب الشتا و غاب و جه بأقصى رد..عجبي



its sad ,my lad when love goes bad.
We try and cry and say goodbye,
We bloom in gloom and talk of doom,
We deal the blows and step on toes and so it goes in every case,
and in the end,we sway and bend and try to mend the broken vase.
Some times it sticks , soemtimes it clicks, but its still a fix , not a base.
Sometimes sorry is the hardest word anybody and everybody sais

الاصول

مش حأكرر و لا ابرر و لا حتأسف و لا حتهور...
كل حي يختار طريقه و اللي معانا يؤمر و ينور..
و اللي يعبر اللي ما يتعبر ..يبقى حمار لو لابس شنبر..
بس الاصول نقعد ونقول ..و كل حي عن نفسه يعبر..
عجبي

ستانلي\ 5 ديسمبر

الشتا في الجو في ستانلي ..
و الناس على الكوبري بتتصور...
و الحجر هو هو مشتاقلي ..
و النفوس بس بتتغير..
و باينه كان متهيألي..
بس اللي يقلق و يحير..
الحلم ده كان كبير و صغر ؟؟
و لا اصلا كان كده صغير...
عجبي

7th of December 2010

عندي البنزين و ما جابوليش الفرامل..
ادوس و احوس و تدميري شامل..
لحد ما المركب تخش في الحيط..
و لا استناش تخش في عاجل او آجل...
عجبي



خلصت كل الكلام و جه وقت السكوت..
و كل شئ في الدنيا بيجي له زمان يفوت..
تحاول تداول و على نفسك تفوت..
الحاجة الحية بتوجع و الراحة لما تموت..
عجبي

تنكسر

تنكسر بصوت كل الحاجات ..
بس قلبي انكسر من سكات..
و فيه حاجات كتير بتتصلح ..
و ما بتتصلحشي كتير حاجات..
لميت الحتت المبعترة ..
و سبتها في عيوني تبات ..
عشان انت في كل حتة منها ..
و انت ..
اغلى الحاجات..
عجبي

كان فيه

كان فيه واحد بيحب واحدة .. و من غيرها ما يقدرش يعيش..
اهله بحدة وبكلمة واحدة .. قالوا حبها بس الكلام ده مافيش ..
الواد انحسر ..و وشه انكسر ..و الحزن حط في قلبه جيش..
و هنا سؤال ،بالدم والمال ...
ازاي الاهل يموتوا العيال ؟؟
...و عايزينها تعيش؟؟؟؟
عجبي


شكاير في جفني.. شدتني ..لفوق.. فوق مستوى الواقع..
والبشاير في حلمي..جابتني..ودتني ..لاحلام و روائع..
اصل الحقيقة و في الواقع..
الصحيان مش جايب همه.. وواقع
و حاير يابني بين الاتنين..
...حلم دافي و ملاوع..
و الواقع الساقع..
عجبي

مش كل

مش كل صاحب يتقاله سرك و لا كل من ركب الحصان خيال...
و مش كل راكب تفتح له بحرك و لا كل من غنى موال متقال...
و لا كل طالب تشرح له درسك و لا كل من قالك بحبك خال..
و ان كنت راغب تعرف ده من ده..فللاسف .ما في اجابة لده السؤال...
عجبي

ليلة خميس

شفتش اسكندرية ..
عند القلعة بالليل
تحت النجمة الشمالية...
و الضي مزهرية
و العرايس بتتصور بالطرحة
ليلة الخميس
و الالاتية..
و العيال جمهورية ..
جنب الحلابسة و الكشري و الشيشة المصدية...
شفتش الواد بتاع الشاي بيترازل
و يعزم على الحبايب المعدية؟؟؟
تلاقي فين في كل الهم
و كل الجمال ده ؟
...شعر مصر بكل الهم
و هي بتغسله في البحر ..
بالحنية...
عجبي.

جراب الليل

عدى نص الليل ..
و جايب معاه في جرابه السهر الطويل..
و انا قتيل ..
بحارب ..
و اوجه في قارب ..
بحاره تاه في قلب الليل..
انا اللي في دمي شارب
من نهر الحب و المواويل..
و انا اللي توبي دايب
في بحر الدنيا و بر الويل ..
بأسأل و السؤال مش عاجب..
...فين الشط يا مراكب ..
و فين المرسى يا جميل ؟؟
عجبي ..

الخل و التوم

فيه ايه في ريحة الفتة والخل و التوم؟؟
بيرجع للواحد الحتة ..
اللي منها الروح بتقوم؟؟
اول منظر
و اول شمة
...و اول نغمة..
كله بيعدي مع الثواني ،
إلا الاحساس الاولاني ..
في قلب القلب مختوم...
عجبي


العيد بيعيد البعيد..
و يباعد في بعد الحبيب ...
و العيد فرحة و رمحة..
و لعبة و سرحة..
في شمس شارع بورسعيد..
...و العيد طلة و بسمة..
و ظلة و رسمة..
لغمازة في وش سعيد..
و العيد ضفيرة بنوتة..
و بندقية مظبوطة..
نشانكنها ..
في قلب التجاعيد..
و العيد لمة و ضمة..
و كلمة و نسمة..
تنور ضلمة...
قلب وحيد..
عجبي ..

السايس

واقف في الاشارة ..
بيشحت بالسيجارة ..
و يليط لك ازازك ..
و البصة دي شرارة..
يا تدي المعلوم ..
يا في وشك يزوم ..
و بحركة او سكون ..
يهزأك بإشارة..
الجنيه تسعيرته بصة ..
و الاتنين كلمة بخسة ..
و الخمسة يرص رصه ..
يدعي ليك و للعمارة..
في مصر بس و هي دنيا ..
الشحاتة حاجة تانية ..
و الشغل خسارة ثانية..
و الشحات هو الامارة...
عجبي...

سايس واقف على الناصية ملزق زي الذبابة..
مستني ينط يرازي صاحب العربية بجنابه..
كل سنة وانت طيب يا بيه و يمسح و يفتح له بابه..
و الود وده ربنا ياخد العربية بالشارع بالواد باللي جابه...
عجبي. ..

كان فيه واحد

كان فيه واحد بيحب واحدة .. و من غيرها ما يقدرش يعيش..
اهله بحدة وبكلمة واحدة .. قالوا حبها.. بس الكلام ده مافيش ..
الواد انحسر ..و وشه انكسر ..و الحزن حط في قلبه جيش..
و هنا سؤال ،بالدم والمال ...
ازاي الاهل يموتوا العيال ؟؟
و عايزينها تعيش؟؟؟؟
عجبي

شكاير في جفني.. شدتني ..لفوق.. فوق مستوى الواقع..
والبشاير في حلمي..جابتني..ودتني ..لاحلام و روائع..
اصل الحقيقة و في الواقع..
الصحيان مش جايب همه.. وواقع
و حاير يابني بين الاتنين..
...حلم دافي و ملاوع..
و الواقع الساقع..
عجبي



تنكسر بصوت كل الحاجات ..بس قلبي انكسر من سكات..
و فيه حاجات كتير بتتصلح ..و ما بتتصلحشي كتير حاجات..
لميت الحتت المبعترة ..و سبتها في عيوني تبات ..
عشان انت في كل حتة منها .. و انت ..اغلى الحاجات..
عجبي


سكاكين الوقت بتعدي و تقطع في الاعصاب..
و اللي بيجيب و يودي في الآخر كله سراب؟؟؟
خير و لا شر .. بحر و لا بر.. دوا و لا عذاب؟؟؟
اللي خاف انضر ..و اللي ما خاف انضر ،
كله نتيجة واحدة ..و ان اختلفت الاسباب...
...


سكندرية في عز الخريف و لسعة البرد الحلوة بالليل ...
و حجر الشيشة احمر لطيف بيغمز في نن عين الجميل ..
و الكافيه عيشة و تخاريف و همز و لمز في عز الحب و المواويل ..
و العمر بيفوت خفيف ريشة و ازاي الميزان في الآخر حيبقى تقيل؟؟؟؟؟
عجبي


لما اقولك تعالي ما تردش بلأ..
لما قلت لالالا..قلبي لق في الدقة..
مرة حيلق في الدقة ..و مش حينفع فيه زقة.. و ذنبه في رقبتك ..يا قاتلني برسالة ...و بمنتهى الرقة ..
عجبي



يا نجمة في السما نبراس ..و ياما غنولها كتير ناس..
ازاي من فوق نزلتي
و و ايه اساس الاحساس؟؟؟
انتي جيتي و في بيتي ..
و لا ده كاس بلا كاس؟؟؟
... يا نجمة ..وحياة نورك ردي عليا..
دانا وحياة نور عنيا ..
محتاس..
عجبي...



ديتك و ادتني و جبتك و ودتني و بنيتك و هدتني و الخسران انا..
و الفكرة العكرة ان امبارح و بكره في ايدك يا ناكره من غير اعتنا...
يا كامل في غدرك يا طايح في هجرك يا رايح لقبرك و معاك حبنا..
يا غلبي في صلحك و غلبي في جرحك و غلبي في بعدك و غلبي هنا...
عجبي..


شايل الشكارة عشان عياله ..
فيها حمولته,,
و فيها حمول الحياة..
معاه السجارة و طالع السقالة ..
و تكاله كله على الله..
...لا همه عمره ولا سلامته....
و خليها عللى خلقك...
ما تقولش آه ..
..لو وقع قدر ..
و لو سلم قدر ..
هي دي حكمته...
اكبر كتير ..
من مستواه ....
عجبي

نوفمبر

الندالة دي مفهوم عليه حوار و جدال ..
هل ..هي حالة نسائية و لا هي داء في الرجال..
هل هي شراء الدماغ و لا الاستنطاع والاستهبال؟؟؟
هل هي الزوج المتفرج؟؟ولا حركات ام العيال؟؟؟
و اهم سؤال شاغلني هو هذا السؤال:
... كل واحد ليه شايف
ان كل من عداه
"هم الاندال"؟؟؟

ياللي انت بيتك دشم
و فرشك سلاح و جيش..
و كاتم على انفاسنا
بضرب البراطيش..
و ناهب غلابتنا
...بالجهل والتطنيش..
احنا برضه كل حاجة
وانت برضه مافيش...
عجبي


عندما يسافر او يرحل صديق..
فماذا في نفسي و قلبي يضيق؟؟؟
تنقص النجوم واحدة
و يقل في الشمس البريق..
و لكن تجمعنا طرق ..
...و لو فرقنا طريق
..عجبي..


بلدنا حلوة و لو هي بلوة
و المهم تضحك و نتحرق احنا .....
و بنلاقي وظيفة في بلاد نضيفة
..لكن احنا مزاجنا في العيشة العفنة...
و لو جابولنا حتى لندن وباري ..
...مش حتعجبنا ونشتاق للمجاري..
عشان نيلها بنيلته دي دمنا ..
و النيلة دي بيتنا و مطرحنا...
عجبي


المواطن المصري من يائس الى ميئوس منه،
و ايش يعمل المصري في الهم اللي حيجنه..
محبوس في علامه و جوه كلامه و في فنه,,
المصري و الله مسجون و ماحدش شايف سجنه
...عجبي!!!


الملك و الكتابة..
و الحلو و الهبابة ..
والدمعة والابتسامة..
و الولعة والسلامة ..
...تروح و تزحف محني ..
و ترجع طاير حمامة..
تبات يوم متهني
و تاني يوم ندامة..
لونها يبقى بمبي
و فجأة تبقى ضلامة
و كله في ايد حبيبك
و بكلمة من كلامه..
عجبي....

نظرة

بيشتغل ليل و نهار ..
بس عشان يهننها..
بيجي بالليل للدار ..
يلقى الحزن
نام في عينها..
زعلانة هي...
هو محتار ..
مش عارف بس ايه اللي صار ..
ما كله ليها و لعينها..
لو شاف البير ابو الاسرار..
حيلاقي الطفلة اللي جننها..
وجعها كبر وزرع اشجار..
و هي بالحب تدفنها..
مش عاوزة من حبيبها و فنانها..
مش عاوزة حتى من زمنها..
غير بس زهرة ،
غير بس نظرة..
كلمة حلوة
تتقال في سهرة،
بطارية القلب تشحنها ..
عجبي .

معلهش يا ورد

لكل وردة و الشوك بتاعها:

ياللي شفت الشوك واقف بيضحك و يدلع...
و وردته جنبه مكسور جناحها و بتدمع...
سألت الشوك مش دي اللي بتضلل عليك..
قال اقولك سر
...و التاريخ يسمع:
طول عمر الشوك
يجرح..
و يتمتع ..
و مكتوب عل الوردة ..
تمنح..
و تتقطع....
عجبي!!!

ستارة الحب

ستارة الحب مرفوعة ، ارخيها يا ريس...
حوش شمس الحب عني ، مش عاوزة اتشمس..
صحيح دفا و عفا و حب و كفى ...
.بس سلوك القلب بتشيط و بتلمس...
..عجبي



لما قاعد ا نت في حالك تسمع صوت هبد وتكسير ..
و لما تسيب نفسك لحبك و الذكرى و التفكير ..
تلقى صوت الوجع طالع من قلبك الكسير...
تعرف ان الزعل صغير و ان الحب هو الكبير ..
عجبي ..



الصاحب لما يزعل بيقطع في توب القلب...
و انت عاجز قدامه و ايش حيلتك في الغلب..
في دنيا صعبة زحمة و هموم عليه بتشب...
غير تقول يا صاحبي.. انا اهو معاك بالحب ...
عجبي

داين تداين و خد وادي الكوبون...
النهاردة تسند غيرك.. و غيره قلبك يخون..
و بعده تظلم ظالم.. ظلم غيرك و دون...
و بعده العادل يخلص منك كل الديون ...
عجبي



القعدة الحلوة روضة من روضات القصور..
تقعد مع حبايبك ...و تطير مع الطيور...
تلاقي جناحك طال... و قلبك سانداه جبال...
وننسى و احنا معاهم كله و نرجع اطفال ...
عجبي


الحلو حلوفعلا ...صباحه مندي ورد...

و الحلاوة سلوه لزما ...و لا في حلاوته حد..

الله يخرب بيت حلاوته... لزقت كل الكلام...
...
الحاء لازقة في الباء ...مهما اجر واشد...

عجبي .

دنيا البشر

داين تداين و خد وادي الكوبون...
النهاردة تسند غيرك.. و غيره قلبك يخون..
و بعده تظلم ظالم.. ظلم غيرك و دون...
و بعده العادل يخلص منك كل الديون ...
عجبي


القعدة الحلوة روضة من روضات القصور..
تقعد مع حبايبك ...و تطير مع الطيور...
تلاقي جناحك طال... و قلبك سانداه جبال...
وننسى و احنا معاهم كله و نرجع اطفال ...
عجبي

سخيييييييييييييييييييييف!!!!

شئ سخيف... سخيف ...سخيف...
تذاكر انت مع ولادك ..و تحفظ انت كل التخاريف...
و تضيع زهرة وقتك معاهم.. في شئ لا حلو و لا ظريف..
و يا ريت في حصاد و فرحة وراها..
ده كله حشو يجيب الخفيف
عجبي


اسمح سماح .و اسمح باللي راح...
و لا تسألشي عن هم او عن جراح..
و طنش ...و طبش ...و اهبش ...يا الحبيب...
برضه مسامحك و و الرك على الارواح
...عجبي


ياسمينة في حوض الورد مزهرة..
تدي سعادة ولو في مقبرة..
لكن تقول ايه في العمى و الغبا..
و اللي مايشوفش الشمس المنورة
...عجبي



الحلو حلوفعلا ...صباحه مندي ورد...
و الحلاوة سلوه لزما ...و لا في حلاوته حد..
الله يخرب بيت حلاوته... لزقت كل الكلام...
الحاء لازقة في الباء ...مهما اجر واشد...
عجبي .

بمزاجك

لما
يلزم تاخد موقف ..
اقفه و لا تهربش..
عشان الدنيا واعية ،
و من ده مابتشربش..
حتجيبك
من فقاك ..
و حتقف غصب عناك..
فخدها من قصيرها..
و لا تحاولش و لا
تجربش....
عجبي.. ..

بعد امريكا

دقة خطوتك على الارض اغنية..
تخلي السما تضحك و الشمس لولية..
و لو تعدي او تهدي او تقف في مكانك..
المهم خطوتك تجيبك هنا ليا...
عجبي

يا زمالك مصر يا مرايتها،
يا حافظ الحلو في حكايتها..
غيرك كبيره طبل و مزمار..
و انت يا زمالك غنوتها...
عجبي

خالق النجم المعجز في كون كله اعجاز .....
و مالي الفضا بالجمال و الحب و
الانجاز ....
و مدي البشر امثال عن الخير و الكمال ....
ازاي نجح البشر في
الشر بامتياز ؟؟؟
عجبي


اس تنباس و ناس تنداس و ناس تشيلها فوق الراس..
وناس تحتاس هم و خلاص و مافيش احساس..
و ناس جدعان في الشدة امان و ناس انجاس..
و في الآخر انت مين.. انت ايه.. من كل الناس؟؟؟؟

ليه كده ؟؟ ده سؤال في البطيخ..
في بلد مسروق فيها التاريخ ...
نقول و نعيد ليه و ليه و ليه...
و العصابة ما رحمتش حتى الطبيخ ...

عجبي!!!!!!

واقف على الترام معاه كيس اسود كئيب..
فيه غم او هم او شوية بلا و تعذيب..
مصري و زي جدوده ما تعرفشي شايل ايه..
وخايف يتحسد على ضرب المراكيب
!!!!عجبي
.. ..

تلاقي الواحد عامل سبع رجالة في بعض..
و هو جبان و عيل و ايدك منه و الارض
..تستني منه الخير يجيك مر و شر
...تمد له ايدك مسامح تلقاه هو يعض......!!!!!!
عجبي


رحنا هناك..
واحنا روحنا هنا ..
و لا كنا هناك ثانية...
لما الروح والعقل و القلب..
ما يرضوش يروحوا معاك..
...تعمل ايه..
كل المطارح..
و العز و الدنيا؟؟؟؟
و لما قلبي هنا لابد..
قاعد و متربع..
يبقى فيه ايه يعني يسوى..
في اي حتة تانية ؟؟؟؟
عجبي

وش مكسور

وش مكسور في ميكروباص.
شفته امبارح وانا بابص..
كان منور و زين في الزمن الحزين..
دلوقتي الحزن عليه اترص...
عجبي

الغربة في القلب

رحنا هناك..
واحنا روحنا هنا ..
و لا كنا هناك ثانية...
لما الروح والعقل و القلب..
ما يرضوش يروحوا معاك..
تعمل ايه..
كل المطارح..
و العز و الدنيا؟؟؟؟
و لما قلبي هنا لابد..
قاعد و متربع..
يبقى فيه ايه يعني يسوى..
في اي حتة تانية ؟؟؟؟
عجبي

شوية كمان !!

الدنيا دي زي اتوبييس و احنا فيه زي الركاب..
اللي قاعد تحت الكرسي واللي قاعد في السحاب..
اللي قاطع تذكرته فعلا و اللي مزوغ من الحساب..
و كله نازل في المحطة مهما يبعد عن الباب..
عجبي

لا نقدر نمحي و لا نزود ..
و عل الرضى لازم نتعود .....
و ياريت يا صاحبي في زر ديليت.. ..
.نيجي عل الغلطة و نحود.
.ياريت



الحب كلمة مستهلكة..
من كترها بقت مضحكة..
من كتر ما قلينا قيمة المحبة
.. الحب اتخنق و راح اشتكى..
عجبي




فتح الفرح باب في العذاب......
طلت منها شمس الاحباب.....
.صحيح الحزن قافل البوابة
.. ..لكن الفرح هو البواب ...
عجبي



عل باب المحكمة واقفة الخلق متلطمة...
الجو خنقة مر والعدالة مجرمة...
و البهوات الصغيرين ولاد المستشارين ..
لا صبر و لا احترام و لا عدل في مظلمة ..
عجبي

حغير ترس قلبي ..اللي جابني ورا
و احط بداله ترس فروعه مخضرة
جديد و ابيض و جميل و زهره لسه حي
بدل قلبي اللي صدي .. من كتر المسخرة..
عجبي

شوية كده

الدنيا دي زي اتوبييس و احنا فيه زي الركاب..
اللي قاعد تحت الكرسي واللي قاعد في السحاب..
اللي قاطع تذكرته فعلا و اللي مزوغ من الحساب..
و كله نازل في المحطة مهما يبعد عن الباب..
عجبي

لا نقدر نمحي و لا نزود ..
و عل الرضى لازم نتعود ..
و ياريت يا صاحبي في زر ديليت..
نيجي عل الغلطة و نحود..
ياريت

سخنت قلبي على نار السبرتاية..
و قلت اشرب ميته ..و اربي سهراية..
طلع طعمه مسكر معسل و تحفة ..
اكمنك فيه و طعمك حكاية..
عجبي



آل ما بياخدش لعيبة غير الملتزمين..
واحد هربان من الضرايب..وواحد سيرته طين..
و واحد بلنتياته نصبه..وواحد رقاص متين..
هي دي مصر يا عبله..عاقلينها مجانين..

عجبي



اتحررت بيك الدنيا ..و الفكر من السجان ،
و فيك الانسانية .. عرفت الانسان ،
ورتنا العقل باب.. بيودي عل الايمان
،لو الاسلام كتاب..عليه انت العنوان
،سيدي يا رسول الله