يا عمر يا طاهر
الجرح مش ظاهر
و العسكر بيتاجر
و المنصر بيجاهر
و خلاص حنتاخر
و حنرجع من الاخر
نصرخ و نعافر
و تضربنا الحوافر.
اخص
Jun 30, 2011
Jun 29, 2011
28 يونيه
يا طاهر يا طاهرة يا بتوع الميدان
يا قاهر يا قاهرة العدا و الديدان .
يا رافعين رايتنا و مشرفين سيرتنا
يا امرا و شعرا
و نور الزمان
من 28 ل28
فاكرينا نايمين يا خدام السلاطين؟
رجعنا و دموعنا
على الشهيد تشجعنا
و ليلتكم كوبيه
و مطينة بطين..
راجعين
يا قاهر يا قاهرة العدا و الديدان .
يا رافعين رايتنا و مشرفين سيرتنا
يا امرا و شعرا
و نور الزمان
من 28 ل28
فاكرينا نايمين يا خدام السلاطين؟
رجعنا و دموعنا
على الشهيد تشجعنا
و ليلتكم كوبيه
و مطينة بطين..
راجعين
Jun 27, 2011
عدنا حيث كنا
و عدنا حيث كنا و عادوا حيث كانوا ..
ما كسبناش حرية و كسبونا اللي خانوا..
و رجعت مصر اسيرة و ظهر اصلهم وبانوا..
يا شعب فاقد عيونه و تاريخه و كيانه.. ..
يا شعب سايقك جهلتك و اللي ماتوا عشانك هانوا..
الجهل عاركم و ناركم
نساكم عقلكم و تاركم
و بكره شايل عكركم ..
و العقل فين منكم بيبانه؟؟؟
عجبي
ما كسبناش حرية و كسبونا اللي خانوا..
و رجعت مصر اسيرة و ظهر اصلهم وبانوا..
يا شعب فاقد عيونه و تاريخه و كيانه.. ..
يا شعب سايقك جهلتك و اللي ماتوا عشانك هانوا..
الجهل عاركم و ناركم
نساكم عقلكم و تاركم
و بكره شايل عكركم ..
و العقل فين منكم بيبانه؟؟؟
عجبي
Jun 21, 2011
انا حلو اهه
بص المصري لاخوه لقاه مراية لعظمته..
الجمال بينهم يتوه من عظمة حبهم و قيمته..
اه
المصرية واقفة تشيل و المصري راجل اصيل..
في الثورة دي يا ناس الشعب رجعت كرامته
الجمال بينهم يتوه من عظمة حبهم و قيمته..
اه
المصرية واقفة تشيل و المصري راجل اصيل..
في الثورة دي يا ناس الشعب رجعت كرامته
رشا عزب و التحرش و سوريا
اوعي تكلمني يا مجلس ، شعبي جاي ورايا،،
حيعملك جرسه و حيقف معايا،،
انا رشا مش حسحس و لا سرقتش قرشايه،
روح اتشطر علي ابو نهبايه
تحرش يتحرش فهو حشرة دون وواطي ،
يخلي اي شريف من خجله منه يطاطي ،
بجزمتك و فوق دماغه
لحد ما تجيبي داغه،
الشعب يريد يدهسهم
بشكل ديموقراطي
#Egypt#SYRIA يا سوريا قومي و شدي الحيل .. ولدك حياخدك و حيكسب، و رغم الحمل اللي والله تقيل ولدك حالف ما يوم يهرب.. النصر جه النصر قرب
حيعملك جرسه و حيقف معايا،،
انا رشا مش حسحس و لا سرقتش قرشايه،
روح اتشطر علي ابو نهبايه
تحرش يتحرش فهو حشرة دون وواطي ،
يخلي اي شريف من خجله منه يطاطي ،
بجزمتك و فوق دماغه
لحد ما تجيبي داغه،
الشعب يريد يدهسهم
بشكل ديموقراطي
#Egypt#SYRIA يا سوريا قومي و شدي الحيل .. ولدك حياخدك و حيكسب، و رغم الحمل اللي والله تقيل ولدك حالف ما يوم يهرب.. النصر جه النصر قرب
Jun 13, 2011
يا شرطة
يا شرطة يا ورطة يا ضربة و بلطة يا حارقة وحارتة..
يا حارقة قلوبنا و حارتة جيوبنا و جايبالنا جلطة..
يا شرطة اتمسي و علينا ما تقسي و بينا شوية حسي..
الناس سكتت كتير السكوت ماجابش خير و تاني مش ساكتة..
يا شرطة
يا حارقة قلوبنا و حارتة جيوبنا و جايبالنا جلطة..
يا شرطة اتمسي و علينا ما تقسي و بينا شوية حسي..
الناس سكتت كتير السكوت ماجابش خير و تاني مش ساكتة..
يا شرطة
Jun 4, 2011
خالد سعيد (مكتوبة في 10 يونية 2010)
خدي يا مصر حياتي ،بس سيبي وشي سليم..
خللي امي و اختي و خالي يشوفوني في كفني وسيم...
. ضحي بي لديابتك و حيتانك و المخبرين...
بس افضل حتة واحدة .. حتة مش حتتين...
خدي يا مصر كرامتي و ضحكي و دمي الرخيص
... بس سيبي راسي سليمة و حياة سيدنا البوليس...
ما تكسريش عضامي و تخلعي سناني ..
و ترميني في الشارع...
هل ده طلب عويص؟؟؟؟
خللي امي و اختي و خالي يشوفوني في كفني وسيم...
. ضحي بي لديابتك و حيتانك و المخبرين...
بس افضل حتة واحدة .. حتة مش حتتين...
خدي يا مصر كرامتي و ضحكي و دمي الرخيص
... بس سيبي راسي سليمة و حياة سيدنا البوليس...
ما تكسريش عضامي و تخلعي سناني ..
و ترميني في الشارع...
هل ده طلب عويص؟؟؟؟
الصاحب امان
الصاحب المصاحب اللي يقدم المراحب ..
و يفرح لما يعجب و يطاطي لو مش عاجب ..
و يحبك وانت بتضحك و مع رفع الحواجب..
و يحضن و انت مقرب و يعذر لو مش مقارب..
الصاحب جوه قلبك كأنه لنفسك قالب..
الصاحب يخليك تغلب ،حتى و هو غالب..
يا بخت من له صاحب
و يفرح لما يعجب و يطاطي لو مش عاجب ..
و يحبك وانت بتضحك و مع رفع الحواجب..
و يحضن و انت مقرب و يعذر لو مش مقارب..
الصاحب جوه قلبك كأنه لنفسك قالب..
الصاحب يخليك تغلب ،حتى و هو غالب..
يا بخت من له صاحب
Subscribe to:
Posts (Atom)