بتوع التكفير

كفرنا اكتر كفرنا..
كفرنا و زود ف مرارنا..
مش احنا برضه اللي اخترنا..
و تكدب و يقولوا يا محررنا!

أول كدبه ادوله فرصه..
تاني كدبه..سهله القرصه..
تالت رابع بقي ما تعدش..
ميت يوم و اتعلموا الرقصه...

اللي انتخبكم لساه معاكم..
نكشفكم و برضه معاكم..
البني آدم صعب يسلم..
انه اختار كداب حاكم..

كلها يومين و تبان الليلة..
و حنشيل كلنا سوا في الشيله..
اما أنا فضميري مرتاح..
ماليش فيها اردب ولا كيلة..

منكم لله!

متفرقات و مرسيات بعد خطاب اكتوبر

تالله كنت اعلم سنة العمر
و تبسم الليل قبل مقتل البدر
و لكن وحين صابني المقدور
ذهلت كأني لا افقه و لا ادري.....


يقول انني ازعجه
و اني لا مواخذه جبته ورا،،
ان كنت ناسي اللي جري،
هات الدفاتر تنقرا..
يا مسخره



 
قال مرسي ان كله بكره تمام..
استحملوا شوية غلا
وحبة ظلم
و تغليظ احكام..
بنزين و كهربا و انابيب..
مش مهم ليه و بكام..
يا مرسي كلامك مشكلته الوحيده..
انه كلام ف كلام..
لا فساد اتجازي..
و لا مليم رجع..

ولا دم اتنصف..
ده حتي لم نشف..
و لا حتي ساويت في الزياده..
رويت ادوات حكمك..
والبقيه تجف..
فين يا مرسي الصدق؟
فين يا مرسي الشرف؟؟
نفسي اصدق كلامك..
بس سابقني القرف..
حرام عليك مصر يا مرسي..
مصر تعبت من القرف..
مصر عاوزه ريس جدع..
مصر عاوزه راجل نجف..
مصر قطعت الخلف..
تلف وراه تلف..
بل ريقنا يا ريسنا..
و اخلص من عشيرتك و عاشرنا..
و زي ما قالوا زمان يا ريس..
قبل ما تعوم لازم تخف.. يا مرسي خف!

سمع و طاعة

ثقب في محجرين..مذياع في اذنينن..ببغاء في شكل فم..
شكل كائن النعم..يسمع ولا يعقل..لا فهم وان فهم..
كل شئ نعم..
الحق يا نعم..
الكذب يا نعم..
حتي لو كان دم..
تبتلعه النعم..
لا حياء لا ندم..
انها ثقافة نعم.
و يغيب عن افهامهم..

ان رسول الله جاء..
بكلمات السماء..
يقول ألف لا..
لكل ما كان نعم..
في ذلك الزمن..
نعم لله وحده..
و ليس لغيره نعم......

اتشعبط

بحاول استعبط..
و اتشعبط..
في امل ماشي بيبلبط..
في دموعي..
و هو متبسم..
و بيرسم..
و يغمزلى..
و يحجز لي..
كرسي مريح و
متظبط..

علي سعاده..
بتتسلبط..
و تحلقلي..
كل ماف شطها اربط..
خيوط حبلي..
و أقول حاحلم..
و ارجع اتنطط..
ورا املي..
اللي متلخبط..و علي بابه اخبط..
و اخبط..
يمكن ف يوم..
يهون حملي..
اللي ف قلبي متربط..
و متبت....

محال يا مرسي

جدع يا مرسي، ان طلعوا الابطال،
جدع يا مرسي ورينا اماره..
يا مرسي عاوزين نحبك يا خال..
و منعنا الكدب اللي فاكرينه شطاره...
تأخير التفقيط..
و التغيير بالتنقيط..
و تصدير الغاز بتاعنا..
و قطع الكهربا عنا..
و العيال اللي بتموت ف الاقسام بالعبيط..
يا مرسي بينا و بينك ..

مصر واهلها..
ان راضيتنا يا مرسي..
تبقي حبيبها و حلها..
لكن مصر بهيه.. و مقامها و مهرهأ..
تسيب أي جماعة غيرها..
و تبقي أنت بس لها..يا ريت يا مرسي يا ريت..
تكون زينة الرجال..
تكون حلم العيال..
تكون قطر الخيال..اللي ينور أرضها..
نفسي اصدق يا مرسي..
بس التاريخ..
بيقول...
محال......

براءة الجمل

الحق عل الميت
الحق عل الميت,,
ايوه الحق كله عليه,,
يا عم ده اتسيط,,
و ادوا اهله كذا جنيه,,
هو اللي موت نفسه,,
مش راح لها برجليه,,
الحق على الميت,,
و اللي قتله ,, براوة عليه,,,
الظابط النجس,,
و البلطجي و الفرس,,

و الجمل و كل الحرس,,
اللي عموله عينيه,,
كلهم براوة عليه,,
و خد البراءة يا بيه,,
خدوا كل الفرص,,
الميت حياخد ايه؟؟؟؟

 

 

 موقعة الجمل

1. قالك موقعة الجمل,,
   و في هبل غير محتمل,,
   بلا خجل,,
   جالي و سأل..
   طلعوا براءة ,,
   يادي الشلل,,
   هو يعني كان مين اتسحل؟؟
   غير الاحرار يوم الجمل..
   و في غير الجمل...
   ماتوا الدرر,,
   

   فضلوا العرر,,
   من اول يوم طلع الشرر..
   ضربوا البقر..
   هزمناهم و داقوا الشلل.,
   ماتوا الجواهر,,
   راحوا هدر,,
   بلد العلل..

 

اهبل

لما تسيب التحقيق للقاتل..
و لقاضي معينه الفلاليط..
و تصدق اللي باع و ماطل..
و تنتخب شريكه الغويط..
تفتكر ليك حق ولا باطل..
تبقى يا حلو اهبل و عبيط....