, وحشني جمال الليل ف اسكندرية ف بحري
وحشني الموج بيضحك و ورا بعضه يجري
وحشني نسيم الليل جوه روحي و شعري
وحشني ارجع تاني للعمر اللي في ضهري
عجبي



,حشني الوحش ..اوحش الوحوش
مطلع عنيا ..و كلامه فاشوش
مفرح و متعب.. و يجرح يطبطب
حبيبي و بينا.. مين يقدر يحوش
عجبي


من آخر صف ..في المدرج الكبير لمحته
دق قلبي دقة و اعلن للكل استباحته
وقعت انا ..او الدنيا اللي داخت ووقعت
و بعد كل العمر ده .انا لسه برضه بتاعته
عجبي

البحر بيسألني.. اسمك يا انسية ايه
قلت له يا بحر انسى.. مالك انت بيه
قاللي قلتي ما قلتي .. اسمك انا عارفه
اسمك "المجنونة"..
امال بتكلمي المية ليه





شعبولا
يا اوباما يا هندسة
لايقالك المريسة
رجعت بوش لورا
رجعته المدرسة
و هييييييه

هنا وسط القرايب
نفس لون الحبايب
شعبنا حيديك محبه
في زكايب زكايب
و هيييه

العمر شجرة ..بترزع آلام.. في ارض الحياة....
و الحب مطرة .. توزع سلام..و ترضى اللي تاه.....
و انا تايه في كل صحرا.. اقوم و انام..اقول الله...
و كلي لهفة.. على بشرى خضرا..تسلمني طوق النجاة....
عجبي

بهتت صورهم عالحيطان..
شيع لونها ملك الزمان..
ان كان الوقت بهت الصور..
في قلبي صورتهم بالالوان

عجبي

الحياة سرها في كلمة ..
تافهة او مهمة..
بس الحاجة المهمة..
..تكون جدع مش....!

اتبعترنا

تبعترنا في الارض ..بدرنا الالم\
وطرحنا سنابل ..فيها العدم\
هجرنا الحب..و قلنا نرتاح \
و لما رجعنا للجراح .. القلب ابتسم\
عجبي