حتندموا

قمنا بثورة قالك بكره حتندموا..
بدل الضرب في الشوارع تعدموا..
بدل الحرامي حيبقى هو و خدمه..
بدل الشاويش حتبقى الدقن تدعموا..
بدل الكذب حتبقى البجاحة تسلمه..
مجرد واجهة شلناها الجولة دي..
و المرة الجاية حنشيل الراس و قدمه..
ان شاء الله

غربة

يا ليل الغربة ابعد عني غرب كده شوية ،،
زحمة الدنيا بس انا برضه في زحمه وحدانية،،
يا ليل الخوف مالكش عندي انا ديه،،
يا خوف الليل من اللي روحه لسة في حشاه حية،،
روحة العزيز كتير روحة بلا جية،،
و انا عزيزي تاه زمنه غير زمانية،،
يا صبر اصبر انت انا مش صابرة وحديا ،،
الصبر محتاج محبة و المحبة خيالية
،، عجبي

السمع والطاعة

انا السمع و الطاعة ..
انا البلادةو النطاعة ..
انا منين مااحضر في جماعة..
تبقى جماعة خرابة سو..

انا اسمع الكلام
و امشي جوه الحيطان
و اقتل انشالله كام
انا امعة ماليش كلام
و لا باعبد ربنا
اللي قال ان ده حرام
انا شغلي اسمع الكلام.,.

انا اقتل اخويا و اركب شقيقي
طالما قالي القائد رفيقى
حتي لو شرعا حرام
حتى لو عقلا ملام
انا شغلي ا سمع الكلام

انا في الواقع يا اخينا
انا دابة و عندي لجام
انا ماليش عقل و كتاب
انا ليه الالتزام
سوا حلال ولا حرام
انا اصلي رباية سو
,, انا سمع و طاعة
انا انا ابشعها عو

يا صبح

رزعت باب الصبح برجلي دغدغته..
الصبح صحي مفزوع قلقت انا راحته..
فيه ايه يا منيل على الصبح ليه الغم؟؟؟
دخلت عليه هزيته و صحصحته..
يا صبح ليه الغبا
و ليه كل يوم شباكك على العدل و الخير مقفول؟؟
يا صبح ليه تقفلها
في وشنا و فاتحها بحري للغول؟؟
يا صبح كفاية بقى زهقت منك زهفت..
انت صبح القاتل و لا صبح للمقتول..
و عنها و رميته من شباكه
و حتى على تويتر بلكته ... عجبي

يأس

رجع البيت قلع قلبه و عينيه..
و نادي بصوت ماكنش ليه..
على كل حاجة اشتاق لها..

نادي على الكتاب القديم ..
و على اغاني عبد الحليم ..
و على الامل في صوت نديم ..
يسمع منه او منها..

ماعادش غير بسمة و حزنها ..
و دمعة خايفة من جبنها..
و شوية كتابة و فنها ..
منها او حتى عنها..

مصر جنية الحواديت ..
احتلها عسكري و حويط ..
و معاه شيخ اصفر و غويط ..
و سرقوا منها الصوت و الصويت ..
تموت في الجهل وف همها،.

.. قتلت عيالها كلها..
و رمت عينها و صوتها و قلبها ..
و اصل الحكاية انها ،،
ما بتقراش و لا عارفة عدوها..
قولولي ايه يتقالها؟؟؟

صوت الثورة

ياللي قاعد على كنبتك ~
و حياتك مرتاحلها~
و بتلعن الثوار والثورة~
و حتى بتردحلها~
و لا عاجبك البت اللي اتسحلت~
و لاعارها وذلها~
ولا قابل بيادة العسكر
تنط و تهرس حضنها~
انا عارفة همك و تعبك~
و فرقك من اللي حصلها~
ماهو كان عندك حكومة وسخة~
فضلت زي ما هي~
بس آل ربت دقنها~
رسمت عافية في كتاب ثورتنا~
عكت و سطرت فصلها~
زي ما قال قبلها مخلوعهم~
و حدد في القصة امنها~
ثورتنا ادفنت في احلى هوسة~
اللي العسس رتبلها~
و الثوار بقى بالتجسس و العمالة بتتلهى~
و الحرية لبسهوها الفوضى
وعليك و حلوا شعرها~
و بوليسهم نكش شعوره على عيشتك ~
و بالبلطجية كمن لها~
شلفط غناها و وشها~
انا باكتبلك اهه من عندي~
و شوية من عندها~
مصر بتقولك ايوه دي خطة~
عشان الثورة تملها~
الثورة دي لولدك و اهلك~
و لاهل مصر كلها~
و قربت تزرع و تطرح ~
و حالا تؤتي اكلها~
لو زهقت منها تبقى بترمي~
كل اللي كان و اللي دهى~
و يبقى كله فاشوش يا عيني~
اللي اتعمى و اللي انتهى~
و حتدفع انت تمنها دوبل~
لما يأذن ربها~
و تقوم تاني بدمها~
اسمع كلامي و قوم يا خويا~
اقف لنفسك اقف لها ~
مصر بتحاول تقوم القومة~
مش انت بقى اللي تهدها~
قوم و كمل خطوتك~
ده فاضل خطوة و اختها~
فاضل خطوة و اختها~

فاضل خطوة و اختهاا~

القيت درعي

لم يعد لدي ما اخلعه..
عليك..
من اشجار قلبي
او اجمعه ..
لعينيك..
ادراج نفسي
كلها خاوية ..
كخزائن خماروية..
بعد افلاس المصراوية ..
كشمعه..
بعد احتراقها بين يديك ..
بعد لبيك و لبيك..
و الفرحة بين ساعديك..
اتساءل كل يوم
اي بلاهة كانت تسوقني اليك؟؟؟
اي بلاهة ضاحكة
مشرقة محلقة
تسمح لطائر ان يذبح
نفسه على كفيك؟؟
ليس خطئي و لا خطئك..
انه خطأ مشترك,,
اقترفته
و مثل درع ملك الغال
امام روميه..
ها هو عند قدميك

الي جلال عامر

لما يغيب انسان بيفهم
ورا ستاير
و حجب الموت ،
تلاقي قلبك انقبض
،انتني و اتفرد،
و الدنيا اصبحت تابوت،
بلا صوت ـ
لمدة ثواني
كأن يونس في بطن حوت
، و زي كل لطشة
، حلوة او وحشة ،
كل حاجة علينا تفوت،
ترجع حياتنا على سكة قطرها،
كل وجعة و كل فرحة ومرها ،
لحد ما تخلص على كل اهلها
او انت انت نفسك تموت ,,,,
عجبي

ديسمبر و نوفمبر 2011

لو الحمار سمع نفسه كان انتحر من الهم..
و برضه الحمار احسن من عديم الدم..
يقتل القتيل و يقو و لا نهتم..
صنف جلف اخره يقول نعم



الشهيد متبسم كأن النبي زاره..
و الجبان متكوم كأن الذل ده داره..
الشهيد بيسلم على اللي قلبه معاه..
و نصير الكدابين كفاية عليه ناره!



يا مصر خانت و باعت عساكر الجهل والشوم
، نهارنا اسود ونهار الندل منور و باين
، لو مش مصدق روح على المشرحة عاين
ولادنا متلقحين على الخشب بالكوم



جدع يا باشا قلعتني، بايديك الوسخة لمستني..
يا ترى حتترقى و تاخد نشان و لا كان مفروض قتلتني؟



يا نجس يا ابو عصاية مديهالك اسيادك الانجاس ,،،
يا شاري سلاحك من عرق و كد العيال و الناس ..
اضرب و خرب و اسحل و جرب ،،
متعة ضرب المصري سيدك و سيد الناس..
ما يعليش الواطي ضرب سيده
و لا يقلل من السيد لما يضربون انجاس....

و رغم الغولة والتمساح ،
و بايع بيته و المفتاح ،
لسه صباحنا نادي و ابيض،
و المجرمين مالهم صباح !
عجبي



فاعد التعلب خنيس تحت العشة ,,
مستني الاسد يكش الكشة ,,
طلع الاسد هش الناس العفشة,,
والتعلب جرى و خطف البلد في هبشة ،،
اخوان كانوا و لا سلف,,
كله كدب و كله قرف ,,
لكن الاسد لساه ما ماتش ,,
و اللي في المقدر بكره يتعرف !


تاني بينفض حبيبنا الميدان
و يموت الجدع و يعيش الجبان
و الشعب غرقان في انتخابات نزيهة
و خالته نزيهة مع ابن الجيران ،
يا شهيد انت اللي ارتحت
و وجعتلنا ارواحنا فحت
و احنا على السكة
على الاقل بالنية
و دي ما تتشرحش مهما شرحت
, اسفين يا شباب!


قالك تسعين في المية ،
طبعا مانت بخمسين..
مخك اوضة مهوية..
و فاكر شعبك مجانين،،
يا شاهين الغبرة استني ،،،
جايلك يومك يا شاهين!!!


عيون اخواتي خزأتها
و قلوب اخواتها خلعتها
و عيال كتير يتمتها ..
ركبت اسرائيل على ستها
و سرقت حياتنا و بعتها
و لشيخ الخليج اجرتها
ما شبعتش لسه يا عسكري؟؟؟
في الموت و القتل فنجري؟؟
اتفاقيات سلام مع
العدو لكن مع شعبك تفتري؟؟
زهقنا خلاص يا حكامنا
يا سرطانا يا تاريخ حزين
خدنا و جري..
شبابنا جايلك يشتري
منك حياتنا بعمره البري ...
سيبه يشتري
سيبه يشتري


بدل ما تدلل على الاقصى
يا خاين اهلك بالخسة
يا بايع سمكك للبسة
يا بو دقن نفاق..

حرر بلدك الاول
مش على عمرها تدلل
عشان تبقى في الاول
و بدون اخلاق



قالك هدنة ،
الشلة النتنة ،
بتوع الفتنة ،
السفاحين..
ببدلة رسمي،
بيخرم جسمي،
و يمحي اسمي
من العايشين..
انت بلطجي،
و كبيرك كفتجي ،
و انتوا عصابة واحدة
مش اتنين..
و احنا الشهدا عليكوا
يا بعدا
حموتوا كفرة
يا تعيشوا مساجين..
انتهى


تاني تاني تاني
العسكر مش فاهمة تاني..
النار و البارود
و الغدر اللي عماني ...
تاني تاني تاني ؟؟
الغبا و البطء تاني ..
و حتقتلونا بكره يمكن ..
بس اخرتكم ثواني .
.تاني


يا بايع اهلك و ناسك
و قاعد مع العسكر..
عامل زي اللي جوه المسجد
و مزاجه كده يسكر..
روح بهبلك
بيع ببلاش اهلك..
و لا تتكلم
و لا تنفي
و لا تنكر


يا مصر بصى بعينيكي
اللي فقعهم حرسك..
بصي على الميدان

فيه صوت ادانك و جرسك..
يا مصر الميدان جالك
اللي اشترى خاطرك و باع عمره ..
اشتريه بقى و بيعي
اللي من زمان حابسك ...
يا مصر


في عز الصعب لم فتكم في السهل فتوني,,
يا مصري دانا حركم ليه تسبوني,,
اموت و انزف
كله لكم و اضحي بعيوني..
يروح جسمي يزول اسمي
بس ابقوا ادفنوني!!


يا مجلس الهنا افرح يا عمنا..
الواد ده اتقتل و الواد ده اتعمى..
و البت دي اتعرت و البت دي اتذلت ..
و الدقون حبايبك معاك في المحزنة..
يا مجلس بكره الحساب في محاكمة معلنة !


مطر حبات من نور و جوهر ،
و اصغر ثانية في بحورك و اكبر،
يا اسكندرية يا موطن المحبة،
ها انا صبرت و سوف اصبر اكثر


امي يا زينة الدنيا و خلاصة بهجتها..
يا من تظلم الدنيا ان توارت ضحكتها..
امي يا ملاكا مصنوعا لي وحدي انا فقط..
امي انتي مظلة لروحي و حبك حمايتها..
عشتي امي



يا قاعد فوق في قصرك متهني بالضيافة..
و منافقينك تحاصرك بالكذب والسخافة ..
و كل الناس في مصرك مقتولة باللفافة..
تصبح و شعبك عاصرك غريق من التفافة


البيه اللي عامل ريس مشغول قوي بالمايوه..
هم المصريين يا حيلتها بقوا البحر يروحوه؟؟
الغلب اكل ولادهم و مش لاقيين هدومهم،
بدل ما تفكر في القلع :هو فين ما يلبسوه!!!!!
هبل والله


يا رافعا العلم داهية تاخد هبلك..
تحبس الورد و تزرع علم في حقلك..
خربت البلد و عريت ناسك و اهلك..
انتصرت علينا ببرجك و جرستنا بجهلك..
يخي يلعن ابو شكلك


يا مصر جيتي تقومي كسروكي و ملوكي شروخ ..
يا مصر ولادك غلابة يا مدهوس يا منفوخ..
يا مصر كل مدى الحب فيكي بيبوخ..
عاجبينك المسوخ ؟؟اللي باعوكي و الشيوخ؟؟..
الل بيرضى بالذل و بياكل البطروخ؟؟؟
و الراجل المطيع.. في تعذيبنا صاروخ.؟؟
و الظالم الشنيع.. و الحق اللي ملبوخ؟؟؟
و الكذب في كل وش و الحكم اللي مطبوخ؟؟؟
و اللي ميت بالجزمة واللي ميت مطخوخ؟؟؟
عاجبك يا مصر حالك؟؟؟؟
عشان انا خلاص مليت..
مليت العرر في قصورك
و الشعب في التوابيت..
مليت احكي و اغني
على حبك غصب عني
مليت ابقى حليمك و انتي في عيني شمروخ..
كفاية بقى يا مصر



يا شعبي المطاطي..
و دايما تحط واطي..
و لابس الذل مكسم ..
طواقي و بلاطي..
يا شعبي القديم ..
و قلبك سليم ..
بس المخ طاير..
من حشو اللئيم..
يا شعبي يا طيب
..نهارك قريب ..
بس لو تقراشوية..
و تعرف المسبب ..
يا شعبي يا درة ..
في قلب المجرة..
حرام عليك تكسر..
في الحر و الحرة ..
يا شعبي يا متباع ..
يا عايش بالدراع..
و باعوك اللصوص..
و انت راضي تنباع ..
يا شعبي يا شعبي



الكداب مصيره بيروح النار ،
بس في الدنيا دي بهوات ,,
يقتل في الحلم و ف الاحرار ,,
و يقول دا ما حدش ابدا مات،،
يزعل لما الفقير يتظاهر,,
و هو بيقبض مليونيات،،
و يقول اجيب للك منين يا كافر ,,
فلوسكوا بتتوزع عل العصابات

البسكلتة الانتاجية نادتني جيت انا بالعجل ..
الجادون طلع في ايدي اتاريه جر شكل..
العجلة كانت مفكوكة
و البلد كات مسروقة
و حاميها هو حراميها
و بايعها بالاجل !


رجعتلنا مصر حرة لتمنتاشر يوم ..
و سلمناها مقشرة لغراب الشوم..
خرج كل الحرامية و مسك في المظلوم..
و قال عاوزين ثورة طب اتلقوا المقسوم..
بشري للثوار والمتكلمون ،
كل واحد له حادثة او مكان في السجون..
و اللي قاعد بيسمع كدب التليفزيون..
اهي رجعتلك مصرك يا عبد يا مشؤوم..
ودعوتي و دعوة كل مقتول او مطحون..
الهي ياللي موافق اشوف في امك يوم


صباح مصر متكدر ~
و مليان بارود
متزفر ~بدم الشباب المتهدر ~ٍ
و صراخ الام..
صباح مصر متنيل~
بفقر العامل و العيل~
و خيبة فوق التخيل~
و شيلة الهم



مال الدنيا طعمها مر
زي الشاي و اتسمم السكر؟
مال الصباح اغبر و متعكر؟
مال الفرح وارم ومتكدر؟؟؟
دهس الغول الولاد؟
عملها فعلا و يقدر؟
يا عمري يا ممرر..
يا بكره يا احمر بلون الدم..
انده على الاحلام خليها كده تتلم..
الحلم بايخ
و الشعب دايخ
و كله جهل و هم..
لحد امتى يا مصر
مكتوب علينا الغم؟؟؟؟؟



انا المصري و المصرية
و جنسيتي نيلي..
انا قرآني بيتقرا
و بيتغنى انجيلي..
انا غصب عنك يا عسكري
صابر و قادر..
و يومي جاي حتعيط عليك مصر
و انا تغنيلي ...
يا بلدي



جلا جلا جلا ..
بصلي يا ولا ..
و ده برجل و منقلة ..
حنرسم سوا ثورة
و نمسحها بالهرتلة..
حنسلمها لشريك البلا..
و نتفرج على المهزلة..
و نقول العدو جلا..
و نقتل في المرجلة ..
و بعد كل ده
بولاد المستهبلة..
مصر ترجع مزبلة...
جلا جلا جلا ....



موت مينا و موت احمد..
كل قتيل في قلوبنا يخلد..
اقتل خالد اقتل مقلد..
بكره مظالمك دي تتبدد ..
حبنا يشهد قلبنا يجمد ..
لا عدنا نخاف و لا بنتهدد..
عملك اسود ..عملك اسود!!



دهستهم !
طرطش علي وشك دمهم؟
انت القاضي يا متهم!
موتهم؟
ساح تحت رجلك مخهم؟
سألتهم ايه حلمهم؟؟
و لا استعجلت تزفهم؟
صحيح، ازاي قتلتهم



جتلني يا اماي ابو بدلة ده..
انا فاكره اخوي حطيت يدي في يده ..
ادتله ظهري بأصلي ..
ضربني في خصري و جاللي ..
يا كافر يا خاين يا واطي ..
انا الاوامر دي جاتلي..
سبت روحي تطلع في يده ..
هو و كل اللي ساعده..
داعي عليهم يا امي..
يا رب ذله و هده ..
جولي آمين



و اهه كمان مات كمان ولد ..
كل يوم ضرب في حلم اتولد..
لا انت الخالق و لا انا عبد عندك ..
و لا يوم حأسلم و لا انوأد..
مدد مدد مدد مدد
شدي حيلك يا بلد


اللي ضربت القوارير عشان عربية و بتسوقها،
بوظت شريعة التحرير و قطعت في عروقها،
كذبت علي رب كبير وقعتك سوده،
و الله قادر روحك دي يحرقها

فبراير 2012

الخنق و الرمي و الغز ف الضلمه
، متنا بكل شكل و وصف يا ظلمه..
الورد ف مصر مالوش تمن و لا ديه..
و الشوك و الظلم هو اللي ليه حرمه...




انا عندي برلمان ,,
عسكري بدقن كمان ،
تقوله طنش يطنش ,,
مؤمن ساعة الادان ،
العسكر يمشوه ,,
ماهم اللي جابوه ,,
و الشعب اللي انتخبوه ,,
باعهم باع الاوطان ،
ثوارها في المشارح
و نور عيونهم رايح ,,
و العصابة هي هي ,,
شغالة في المسارح ،
مبروك يا شعب مصر



اعمل ما تعمل في عيالك عملت ،
احكم في كبدك ظلمت ولا عدلت ،
اقتل و اكدب و اضرب واهرب
لكن في الفينالة انت ابنك دفنت..
عجبي



منصورة يا فاس فلاح
طيب بتطبطب بالحب و البركة،
منصورة يا قدرة الفول
ف عز الزحمة و الحركة،
منصورة بنتك بتشرشح
عسكر عراها في العركة..
منصورة بلادي ولادها
بعتروا ولاد الرخمة،
منصوره و عمرها ما داقت
لا عدل ولا لحمة،
منصورة يا مصر بطيبة
قلوبناو الود و الرحمة



مات السنونو
و هو بيزقزق ضد العسكري..
و هي دي كل قصة
حر ويا المفتري..
يكسب المفتري الدنيا وقتي
و يكسب الحر العز الآخري..
يا أئمة الكذب
يا بياعين الاوطان..
يا كل حسان
و يا كل فنجري.. عجبي


• على غرار سخرية الراحل الكبير مقاما و مقالا : اذا كان الضحك من غير سبب قلة ادب اما القتل من غير سبب فقلة دين، فكيف يتم عقاب من يضحك و ترك من يقتل؟ لدينا عدالة و حرية و لكن ليس لدينا عدل و لا حريات





تعبنا موت في الثورة دي و الموت تعب معانا كتير و اشتغل اوفر تايم ، في مصر المواطن يموت و يعيش الموكل بالدفاع عنه فربنا ينتقم من الظالمين



قال عم دقن ابو سبوبة بن الجهل و الخيبة :انا الكدب في يداي النصب و الحيل فهلا سألوا الشيطان عن كدباتي؟؟ امسك العصاية من النص و ابيع امي في سبيل ان اهبش جميع تلك السلطاتي

حيقتلونا و يموتونا حسرة
و يفقعوا كل العيون
عشان تحرم يا شعب تحلم
بحرية او يحزنون
و تنام حسيرا كسيرا
تشحت منهم
رغيف بكوبون ،
يحلمون



يا مين يطفي حزب النور و يولع نور العقل و يشوف ظلام الحزب و يطفي انوار الجهل ؟؟ آلو يا مصر ، الحرارة موجودة بس العدة عند ا لعسكري و اعلامه ، لابد من قطع الحرارة عن الضمير الميت و توصيل الدم الى عروق الشعب الخامد



قالك تستاهل تتعرى
و هي نازلة من بيتها ليه؟؟
نازلة تعيشها حرة
يا عبد و لو بيقولولك بيه..
يا استاذ او شيخ او قاضي
و قلبك و عقلك فاضي..
ودانك و عينك و عقلك
يا تري شغلتهم ايه؟؟
عجبي

يناير :ثورة مصر ضد العالم و ضد سلطاتها

كل الكلام كليل و الكلمة مكتومة..
قسموا القسمة الحرام و التورتة مقسومة..
دقون و كابات اجرام و ناسها محرومة..
و ايش تعمل ثورة الجدعان فالجهل بالكومة؟؟؟
عجبي



مات الفرفور و عاش الطرطور ..
مات الاحرار و عاش المقهور..
خدها الاخوان تسليم عسكر..
مبروك مبارك كرسي فتحي سرور..



التحرير مش اسم مكان ..
التحرير في القلب بيان ..
ف اسكندرية و من اسوان ..
خطوتنا بتخلق ميدان..
لو في مكانك حر و مخلص..
كأنك في التحرير سهران




عم تتساءلون؟
عن الاخوان المسلمين
الذين
تحالفوا مع عسكرشياطين
و تاريخهم مهبب زي الطين
و باعوا بهية و باعوا ياسين؟
لمصر ليسوا مخلصين .




قتل القتيل
و يقول حضرتك
و مستكتر عل القتيل
يسبله المله..

يا منطق العليل
يا نعل جزمتك
اشرف م المؤدب
المنافق العله



من وحي الليلة الكبيرة :
مدرعة دبابة. عسكر و هم ديابه..
يا بو الثوار ميل..
دي عصبه كدابه..
سحلوا عيالنا يابا..
يا قاتل اتنيل!!
مخاليل يا واد مخاليل


ثار ف الميدان شعبي
و انت ماتدراشي يا مشير،
بس استهبلي استهبلي عليه،
كلام ثوارنا ماشي
كلام ثوارنا ماشي


اللي حيخون راح يقعد،،
واللي ما يخونشي يبعد،
يلا بنا يا ثاير
بنا ع الميدان

اول ما اقول يا مصر
و اصرخلي صرخة..
الاخوان تبيعني
و تبقي فرخة..
طار ف الهوا شهيدي
و انت بتستهبل
.. يا بدعدع

حالا حالا
ساصارع مجلس انما ايه بيكوش،..
و حاخلي المجلس يرعش،
و يجيب الاخوان من الشارع..
سبوبة امال..
محسوبه امال..

: الناشط مقلي خد حقي و احلقلي،
ظبابيط يا واد ظبابيط

يا ام الاخواني رشي الدم سبع مرات..
حياخدهم تاني و يشتري بيهم برلمانات


الثورة الكبيره يا عمي
و النشطا متييينه..
ماليين الشوارع يابا ،
يا مقتول يا داهسينه.




يا مصري ف الجيش و
شايلك سلاح..
اضرب بشويش
عبدك الفلاح
و انت اللي مشكور ..
و احنا اللي اوباش