البرادعي ده عميل فحت

سيبك من كدبه والسحت..
سيبك من الزومبجي من تحت ..
و تكبيلك في يوم ما نجحت..
و اللي يموت لو يوم ارتحت..

سيبك من امه الخواجاية..
سيبك من التاجر بعباية..
سيبك من دقنه النحتاية..
و اللي سجنك يوم ما فرحت..

سيبك من عسكر تجار..
وسيبك من مشايخ العار..
سيبك من القاضي بزراز..
بس البرادعي ....
ده عميل فحت!!!!!!

شحات

شحاااات وداير ف البلاد ملتااااع،،
ثورتي اتركبت و ابو دقن خاني و باااااااع...
بقي العاقل اتجنن و الشبعان اهه جاع....
يا شعبي اصحي بقي و بطل استنطاع،،،
ضاع ضاع ضاع..
و العسكر علينا صااااااع

في ناس

في ناس جاهله
و في ناس حره..
و في ناس سهله
و في ناس مره..
و في زي القرع
يمد لبره..
وفي اللي عايش
جوه سجونه
و في السابح
في كون و مجره..
و فيه الفكره..
و الاهم الفكره