يموت ألورد في عز بهجته..
و يقعد لمصر الحنضل..
ما دي دقن و دي دقن..
ليه العره اللي يفضل؟
يا رب ريحت الطيبين
و أنت العالم و الاعدل..
يا رب ارحمه و سلمه
و ارزقنا خير البدل.
-------------------------------------------------------------
حدثني ابن جلفدان.. فيلسوف من باكستان.. حاصل علي السلطانيه.. عشان خللي مصر مهلبيه.. انه في زمان ما نعرفوش.. و في بلاد براهمتوش.. حكم اخس سلطان.. صحابه شاطر وًعريان .. كان يأكل الشباب.. و ما يكره قد الكتاب.. و يبيع الهرم و النيل.. و حتي اولاد السبيل..الشي الوحيد الحرام في ملته.. هو انك تزعل شلته.. او تعوز حريتك.. او تبين شعرتك.. غير كده كله جميل.. سرقه و غلا و كحل ليل.. صباح كوا و خطب عوا.. غلا الميه و حتي الهوا.. جاز و كحول دونت مكس.. يدوس حتي من غير كلكس..تقول ما تغور يقولوا عيب.. سمسروا ف العيش و الانابيب.. و هكذا ايها السميع.. خربوا و حيخربوا بيت الجميع.. خليك جدع خليك شجيع... قول يا عم: يسقط الجرابيع!!!
-------------------------------------------------------------
احببت شكل ابهامك,,
منذ كنا احرفا تتشكلَ مواويل ,,
اظافرك و بصماتك,,
و انسيابات الكف الطويل,,
وخارطة كفك ترسم طرقا,,
تدل العاشق بلا دليل..
اردت دوما افهامك,,
انك انت و ابهامك,,,
حقيقة لا تقبل التأويل,,
---------------------------------------------------------------------
الشكوي لغير الله مذله.. و المذله مش توبي...
يا رب ميت مليون محاوله.. و الحزن قدري و مكتوبي..
-------------------------------------------------------------------------
يا لايم المقتول.. عاوزه يموت من سكات..
ساكت ليه كده؟ ما تقول.. الحق عليه انه مات؟؟؟
ايه نزلك الشارع؟؟ايه ودي هناك بنات؟؟
لوم الضحيه يا شاطر.. اعجاز في الانحطاط!!!!
----------------------------------------------------
ما احلي العيال و هم كده نايمين..
زي ندف التلج شال علي وش الياسمين..
التلج في هدوؤه التام - بقولكم ساكتين..
البصه في وشوشهم النايمه ..حنيه تجيب حنين...
----------------------------------------------------------------
شويه و يصحوا بالسلامه جنان ومجانين..
عاوز و لازم يا ماما و اشمعني هو و فين..
و شغل استنجلينا وكهن شياطين..
ما تناموا حبه كمان، نومكوا عباده يا حلوين...
----------------------------------------------------------
ضربت مرفت يا فالح.. يا زرع همجية الفكره..
شربت من النتن قوالح..يا درع متجند ضد بكره..
قربت من طبع الجوارح.. و بانت الوشوش العكره...
و اهو شعبك مش حيتصالح.. و حتصبح تاريخا و ذكري....
-----------------------------------------------------------
كنت فين يا خشب لما كنا نجارين،،،
كنت فين يا لأ لما قلنا الآه..
النصيب مستخبي بين العينين...
و ما تعرفش ابدا ايه اختيار النجاه..
يمكن لأه تنجدك..
من مصيبه تسَجِدك..
و يمكن نفس اللأه دي..
هي هي تسجدك..
اختار دايما بالقلب و صفاه..
الانسان.. ده منتهاه..
و الباقي كله ..علي الله..
-------------------------------------------------------------